ბათუმში, თამარის დასახლებაში კიდევ ერთი ახალი სოციალური სახლის მშენებლობას ჩაეყარა საფუძველი. როგორც აჭარის ფინანსთა და ეკონომიკის სამინისტროში განმარტავენ, ახალი სოციალური სახლი 10 სართულიანი იქნება. შენობაში 54 ბინა განთავსდება. მშენებლობის პროცესში კომპანიის განცხადებით ჯამში 400 ადამიანი დასაქმდება. დასრულებული შენობა თეთრი ინტერიერით იქნება,მოეწყობა წყლისა და საკანალიზაციო სისტემა, განათება და გაზგაყვანილობა. მშენებლობა 2016 წლის ივლისში დასრულდება.
დღეისათვის, აჭარაში ეკომიგრანტი და სოციალურად დაუცველი ოჯახებისათვის 122 ბინიანი 5 საცხოვრებელი კომპლექსის მშენებლობა მიმდინარეობს. მშენებლობებზე დაახლოებით 115 ადამიანია დასაქმებული.
სიმბოლური კაფსულა საძირკველში აჭარის მთავრობის თავმჯდომარემ არჩილ ხაბაძემ, აჭარის ფინანსთა და ეკონომიკის მინისტრმა დავით ბალაძემ, აჭარის ჯანდაცვის მინისტრმა ნუგზარ სურმანიძემ და შპს "დაგის" დამფუძნებელმა გოგი გულორდავამ ჩადეს. ოფიციალურ ცერემონიას შპს "დაგის" აღმასრულებელი დირექტორი გოგა გუგავა და ტექნიკური დირექტორი სერხიო მარინ გარსია დაესწრნენ.
