”სანდასუფთავებამ” დეზინსექციის ჯგუფისთვის 2 ახალი მიკროავტობუსი შეიძინა. როგორც ბათუმის მერიაში განმარტავენ, ახალი მიკროავტობუსები აღჭურვილია სპეციალური შესაწამლი დანადგარით.
მერის ინფორმაცით, ნაგავშემკრები კონტეინერების, მრავალსართულიანი კორპუსების, იტალიური ეზოების, მრავალბინიანი საცხოვრებელი ეზოებისა და სარდაფების დეზინსექცია ყოველთვიურად თვეში ერთხელ ხორციელდება. მაისიდან ოქტომბრის თვეში კი მრავალსართულიანი კორპუსების სადარბაზოებისა და სარდაფების, ღია არხების მიმდებარე და დაჭაობებული ტერიტორიების მავნე მწერების საწინააღმდეგო სითხით შეწამვლა თვეში 2-ჯერ ხორციელდება.
ასევე ყოველთვიურად, თვეში ერთხელ ხორციელდება ქალაქის ტერიტორიის დერატიზაცია - მღრღნელების საწინააღმდეგო სითხით შეწამვლა.
(აღნიშნული მომსახურება მოსახლეობისთვის უფასოა და მას ბათუმის მერიის შპს სანდასუფთავება ახორციელებს.)
