7 ივლისს, 13:00 საათზე სასტუმროში „Holiday Inn“ „ქუთაისის მყარი ნარჩენების ინტეგრირებული მართვის პროექტის“ ფარგლებში საინიციატივო შეხვედრა გაიმართება, რომელზეც ქუთაისში მყარი ნარჩენების მართვის გარემოსთვის უსაფრთხო ინტეგრირებული სისტემის მოწყობასა და სამომავლო თანამშრომლობაზე იმსჯელებენ. შეხვედრას რეგიონული განვითარებისა და ინფრასტრუქტურის მინისტრი ნოდარ ჯავახიშვილი, მყარი ნარჩენების მართვის კომპანიის დირექტორი გიორგი შუხოშვილი, დაინტერესებული მხარეების - კონსულტანტი კომპანიების, გერმანიის განვითარების ბანკის (KFW), საქართველოს ფინანსთა სამინისტროს, საქართველოს გარემოსა და ბუნებრივი რესურსების დაცვის მინისტრი გიგლა აგულაშვილი, ასევე ქუთაისის მუნიციპალიტეტის წარმომადგენლები დაესწრებიან.
