კომპანია "ტიფლის ბიზნესცენტრში" აცხადებენ, რომ მშენებლობის პროცესში უსაფრთხოების ზომები მაქსიმალურად დაცული იყო და ის რაც მოხდა უბედური შემთხვევა იყო. ამის შესახებ, ,,ჯი-ეიჩ-ენთან” საუბარში კომპანიის წარმომადგენელმა ნიკოლოზ ბარათაშვილმა განაცხადა.
,,უბედური შემთხვევისგან დაზღვეული არავინ არ არის. Pჩვენ პერიოდულად შენობაზე ექსპერტიზებს ვნიშნავდით და ვაკეთებდით”, -აცხადებენ კომპანიაში, სადაც რამდენიმე ადგილობრივი მოსახლის პრეტენზიას, რომ კომპანიის მხრიდან დაცული არ იყო უსაფრთხოების ზომები, ასე პასუხობენ:
,,ეს ის ორი ქალბატონია, რომლებსაც ბინები უნდოდათ, სხვის უბედურებაზე ახლა ცხოვრების აწყობა უნდათ”, -აცხადებენ "ტიფლის ბიზნესცენტრში".
კომპანიაში იმედოვნებენ, რომ შესაბამისი ორგანოები სიმართლეს დაადგენენ.
,,დარწმუნებული ვარ შესაბამისი ორგანოები შეისწავლიან ამ საქმეს და გამოვლინდება ყველაფერი. ცალსახად ვამბობ, რომ უსაფრთხოების ზომები მაქსიმალურად დაცული იყო. მშენებლობა უშუალოდ პროექტის შესაბამისად მიდიოდა, არ ყოფილა არც ერთი გადახვევა. დაწყებული აგურიდან, ბეტონის ექსპერტიზებიც ჩატარებული გვაქვს”, _განაცხადა ,,ჯი-ეიჩ-ენთან” საუბარში ნიკოლოზ ბარათაშვილმა.
კითხვაზე თუ უსაფრთხოების ზომები დაცული იყო მაშინ რამ გამოიწვია აღნიშნული ფაქტი?
,, ეს უბედური შემთხვევა იყო, ჩაინგრა ჭერი რომელიც არ უნდა ჩანგრეულიყო. ჭერზე ჩვენ სამუშაოები არ ჩაგვიტარებია, უბრალოდ გადავხადეთ კომუნისტების დრონდელი ჭერი და უნდა გაგვეკეთებინა რკინის კონსტრუქცია. სამუშაოების დროს ჩვენ არაფერი არ დაგვირღვევია, რაც იყო ყველაფერი ნორმის ფარგლებში იყო”, _აცხადებს ,,ტიფლის ბიზნესცენტრის" წარმომადგენელი.
შეგახსენებთ, რომ თბილისში, სპორტის სასახლის მიმდებარედ სამშენებლო სამუშაოებს "ტიფლის ბიზნესცენტრი" ახორციელებდა.
შენობა ყოფილი ფიზიკა-მათემატიკის ინსტიტუტის იყო, სადაც სასტუმროს გახსნა იგემებოდა. სამუშაოების პროცესში მშენებარე სახლი ჩამონგრა და შედეგად სამი მუშა დაიღუპა ერთი კი დაშავდა. იგი ამ დროისთვის საავადმყოფოშია გადაყვანილი.
