საგამოცდო ცენტრებში მისასვლელად სტანდარტული სამგზავრო საფასურით, დამატებითი საზოგადოებრივი ტრანსპორტია გამოყოფილი. აღნიშნულ ინფორმაციას გამოცდების ეროვნული ცენტრი აქვეყნებს. 

უწყების ინფორმაციით, ტრანსპორტზე დაწესებულების სახლწოდება იქნება მითითებული.

დამატებითი საზოგადოებრივი ტრანსპორტი მეტრო „ახმეტელიდან“ მუხიანის დასახლების მიმართულებით №175 სკოლამდე, მეტრო „ვარკეთილიდან“ №117 სკოლამდე და მეტრო „დელისიდან“ თბილისის სახელმწიფო უნივერსიტეტის მაღლივ კორპუსამდე იმოძრავებს. 

თბილისში ერთიანი ეროვნული გამოცდებისთვის რამდენიმე საგამოცდო ცენტრი მოქმედებს: საქართველოს ტექნიკური უნივერსიტეტი - კოსტავას ქ. 77; თბილისის სახელმწიფო უნივერსიტეტი (მაღლივი) - უნივერსიტეტის ქ. 2; თბილისის 175-ე საჯარო სკოლა (ა) - მუხიანის მე-3 მ/კ; თბილისის 175-ე საჯარო სკოლა (ბ) - მუხიანის მე-3 მ/კ; თბილისის 117-ე საჯარო სკოლა - თრიალეთის ქ. 7; თბილისის 161-ე საჯარო სკოლა - იოსებიძის ქ. 50; თბილისის 133-ე საჯარო სკოლა - ვარდისუბნის ქ. 8.

ერთიანი ეროვნული გამოცდები 2015 წელს 2 ივლისს დაიწყება და 22 ივლისს დასრულდება.