შინაგან საქმეთა მინისტრი ვახტანგ გომელაური ბელგიის სამეფოს დელეგაციის წარმომადგენლებს შეხვდა. ვიზიტის მიზანია მიგრაციის მართვის კუთხით საქართველოს მიერ გატარებული რეფორმების გაცნობა, ასევე, ორმხრივი ურთიერთობის დამყარება. სტუმრები მოინახულებენ შსს-ს მიგრაციის დეპარტამენტის დროებითი განთავსების ცენტრს და თავშესაფრის მაძიებელთა მიღების ცენტრს მარტყოფში. გაიმართება შეხვედრები საქართველოს იუსტიციის მინისტრთან, საგარეო საქმეთა მინისტრის მოადგილესა და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლებთან.
