აშშ-ის ელჩი საქართველოში რიჩარდ ნორლანდი წეროვანში სკოლის მოსწავლეებს ესტუმრა. ამ სოფელში დევნილი მოსახლეობა ცხოვრობს, რომელმაც სახლკარი 2008 წლის კონფლიქტის შედეგად დაკარგა.
აშშ-ის ალეჩოს ცნობით, ვიზიტმა კიდევ ერთხელ წარმოაჩინა, თუ რა დესტრუქციული შედეგები ახლავს უკანონო ოკუპაციასა და საზღვრების გავლების პოლიტიკას, რის გამოც საზოგადოების ყველაზე დაუცველ წევრები, ბავშვები ზარალდებიან.
შეერთებული შტატები კიდევ ერთხელ მოუწოდებს რუსეთს, შეასრულოს 2008 წელს ცეცხლის შეწყვეტის ხელშეკრულებით ნაკისრი ვალდებულებები, გაიყვანოს თავისი ძალები კონფლიქტამდე არსებულ პოზიციებზე, უარი თქვას საქართველოს ოკუპირებული ტერიტორიების - აფხაზეთისა და სამხრეთი ოსეთის დამოუკიდებლობის აღიარებაზე, უზრუნველყოს ჰუმანიტარული დახმარების დაუბრკოლებელი მიწოდება აღნიშნულ რეგიონებში, განსაკუთრებით დევნილი მოსახლეობის საჭიროებათა დასაკმაყოფილებლად.
შეერთებული შტატები აგრძელებს საქართველოს დამოუკიდებლობის, სუვერენიტეტისა და ტერიტორიული მთლიანობის მხარდაჭერას მის საერთაშორისოდ აღიარებულ საზღვრებში და არ აღიარებს რუსეთის ფედერაციასა და საქართველოს ოკუპირებული რეგიონების, აფზახეთისა და სამხრეთი ოსეთის დე-ფაქტო ლიდერებს შორის ხელმოწერილ ეგრეთწოდებულ „ხელშეკრულებებს“.
