საქართველოს ეკონომიკური განვითარების ცენტრის თავმჯდომარე, საქართველოს ეროვნული ბანკის ყოფილი პრეზიდენტი, რომან გოცირიძე განცხადებას ავრცელებს.
”პარლამენტის ოთხი კომიტეტის გაერთიანებულ სხდომაზე მიიღეს სამარცხვინო, პოლიტიკურად მოტივირებული გადაწყვეტილება ეროვნული ბანკიდან საბანკო ზედამხედველობის ჩამოცილების შესახებ. პირველ რიგში საგანგაშოა მოტივი და არა თვით ფაქტი. მის ირგვლივ განვითარებული მოვლენები ნათლად მიუთითებენ ქვეყნის არაკონსტიტუციური, არალეგიტიმური მეთოდებით მართვაზე და დისკრედიტირებული პარლამენტიის უუნარობაზე, წინ აღუდგეს მსგავს პროცესებს. მიუხედავად ამისა, ჯერ არ არის ყველაფერი დამთავრებული. ჯერ კიდევ არ ამოწურულა როგორც სამართლებრივი, ასევე საზოგადოებრივი ზემოქმედების ბერკეტები, მათ შორის საერთაშორისო ორგანიზაციების მონაწილეობით. დავთმობთ კიდევ ერთ სფეროს, შემდეგ კიდევ იქნება სხვა და კიდევ სხვა. თავისუფლება იკარგება თანდათანობით”, - ნათქვამია განცხადებაში.
