ვაშინგტონი აღიარებს, რომ მოსკოვთან ბევრ საკითხზე საერთო ენა ვერ გამონახა, მათ შორის კი ერთ-ერთი მთავარი საქართველოა. განცხადება ამის შესახებ ევროპისა და ევრაზიის საკითხებში სახელმწიფო დეპარტამნეტის სპეცწარმომადგენელმა, დანიელ რასელმა გააკეთა. მისი თქმით, ბოლო პერიოდში აშშ-მა და რუსეთმა შეთანხმებას მიაღწიეს სტრატეგიული შეტევითი იარაღის გაუვრცელებლობის; ბირთვული არსენალის შემცირებისა და ავღანეთთან დაკავშირებით თანამშრომლობის საკითხებში, თუმცა ისეთ საკითხებთან დაკავშირებით, როგორიცაა: კოსოვო, საქართველო და ნატოს გაფართოება, ორ ქვეყანას შორის პოზიციები კვლავ განსხვავებულია.
"შტატების და რუსეთის ლიდერებმა სამართლიანად განაცხადეს, რომ ცივი ომის იდეოლოგიური საფუძველი აღარ არსებობს, თუმცა დღემდე იგრძნობა დიპლომატიური ურთიერთობების დეფიციტი, რომელიც თავიდან აგვაცილბს რუსეთთან ურთიერთობების დაძაბვას, რომელმაც პიკს ქართული-რუსული კონფლიქტის შემდეგ მიაღწია", - განაცხადა რასელმა.
