საქართველოს პრემიერ მინისტრმა ირაკლი ღარიბაშვილმა საგანგებო შტაბის სხდომაზე სტიქიის შედეგად დაღუპულთა და დაშავებულთა ბოლო მონაცემებზეც ისაუბრა და აღნიშნა, რომ ამ დროისთვის არსებული ინფორმაციით 19 ადამიანია დაღუპული, ხოლო უგზო უკვლოდ დაკარგულად 3 ადამიანი მიიჩნევა.
"ჯანდაცვის სამინისტროს მონაცემებით, მკურნალობას განაგრძობს 6 პაციენტი, რომელთა მდგომარეობა დამაკმაყოფილებელია და პირადად დავით სერგეენკო აკონტროლებს მათ მკურნალობას. ასევე, ჯანდაცვის სამინისტროს ინფორმაციით, აღრიცხულია 106 ოჯახი - სულ 457 ადამიანი. მათგან 119 ბავშვი, 51 ხანდაზმული, 5 ორსული. ჯანდაცვის სამინისტრო მუდმივ მონიტორინგს ახორციელებს", - განაცხადა ირაკლი ღარიბაშვილმა
