თბილისის ზოოპარკის დირექტორმა ზურაბ გურიელიძემ დაადასტურა, რომ ერთი ვეფხვის ადგილმდებარეობა ჯერჯერობით დადგენილი არ არის. როგორც მან „2030“-ის პირდაპირ ეთერში განაცხადა, ზოოპარკში ვეფხვების რაოდენობაში აღმოჩენილია დანაკლისი.
„ერთი ვეფხვი გვაკლია, რომლის ადგილმდებარეობა ჯერჯერობით დადგენილი არ არის“, - განაცხადა გურიელიძემ.
ამასთანავე ზოოპარკის დირექტორმა მოუწოდა მოსახლებას სიფრთხილე გამოიჩინოს და ვეფხვის აღმოჩენამდე ბნელ ადგილებში შესვლისგან თავი შეიკავონ.
გარდა ამისა, ზურაბ გურიელიძემ ზოლებიანი აფთარის დაკარგავაზე ისაუბრა, მაგრამ, მისი თქმით მტაცებელი ადამიანისთვის საშიში არ არის. ასევე ზოოპარკის დირექტორმა უარყო ინფორმაცია ერთი დათვის გაუჩინარების შესახებ.
