გარემოსდაცვითი ზედამხედველობის დეპარტამენტის თანამშრომლებმა, მცხეთის მუნიციპალიტეტის სოფელი ნეფეტვრებისაკენ მიმავალ ტერიტორიაზე დაყრილი ხის მერქანი ადგილიდან გაიტანეს.
სტიქიის ზონიდან გამოტანილი ხის მერქანის ტერიტორიაზე განთავსების შესახებ ინფორმაცია სოციალურ ქსელში გავრცელდა, რის შემდეგაც გარემოსდაცვითი ზედამხედველობის დეპარტამენტმა ( 15 ივნისს გამთენიისას 02:00 საათზე და ასევე 15 ივნისს დილით 10:00 სათზე), მოახდინა ადგილზე არსებული სიტუაციის შესწავლა. ხის მერქანი დაყრილი იყო გრუნტის გზის სავალი ნაწილის მარცხენა მხარეს მდინარის კალაპოტიდან დაახლოებით 100-120 მეტრში. დეპარტამენტი არ ფლობს ინფორმაციას, ვის მიერ მოხდა აღნიშნულ ტერიტორიაზე ხის მერქანის განთავსება. ამასთან, გზის სავალი ნაწილი არ იყო ჩაკეტილი და ხის მერქანის (ძლიერი წვიმის დროსაც კი) მდინარეში ჩაყრის საშიშროება არ არსებობდა.
ქვეყანაში შექმნილი ვითარებიდან გამომდინარე, სამინისტროს უწყებაში შემავალი დანაყოფები იმყოფებოდნენ და ამჟამადაც იმყოფებიან ე.წ ახალი გზის გაწმენდით სამუშაოებზე. შესაბამისად, ადამიანური რესურსების სიმცირის გამო მხოლოდ დღეს მოხერხდა აღნიშნული ტერიტორიიდან ხის მერქანის გამოტანა.
