კრიზისების მართვის საბჭოს მდივნის, მინდია ჯანელიძის განმარტებით, მეწყერის აღმოჩენის შემთხვევაში ინფორმაცია, პირველ რიგში, გარემოს დაცვის სამინისტროს მიეწოდება.
"საქართველოში არის 5 000-მდე მეწყრული კერა, რომელიც აქტიურდება ხან ღამის 03:00 საათზე, ხან 04:00 საათზე. ამის შესახებ ინფორმაციის ავტომატური მოძრაობა არ ხდება, ხდება მეწყერის აღმოჩენა. შესაბამისი ინფორმაცია, პირველ რიგში, გარემოს დაცვის სამინისტროს მიეწოდება", - აღნიშნა ჯანელიძემ.
ჯანელიძის თქმით, კოორდინაცია დარღვეული არ ყოფილა, თუმცა თუკი კითხვები არსებობს, ის პასუხების გაცემას მოითხოვს.
