რომის კათოლიკური ეკლესიის წინამძღვარს ტელევიზორისთვის უკვე 25 წელია, არ უყურებია. ამის შესახებ ფრანცისკ პირველმა გაზეთ La Voz Del Pueblo-სთვის მიცემულ ინტერვიუში განაცხადა. „მე მხოლოდ გაზეთ რეპუბლიკას ვკითხულობ და დილაობით ეს მხოლოდ ათ წუთს მართმევს. რაც შეეხება ტელევიზორს, 1990 წელს აღთქმა დავდე, რომ აღარ ვუყურებდი. ტელევიზია საჩემო არ არის. მე არც ინტერნეტით ვსარგებლობ,“-აღნიშნა პაპმა. კითხვაზე, თუ როგორ გულშემატკივრობს საყვარელ საფეხბურთო კლუბ „სან-ლორენსოს,“ პონტიფიკოსმა განაცხადა, რომ შეხვედრების შედეგებს ის შვეიცარიელი გვარდიელებისგან იგებს, რომლებიც ვატიკანში მსახურობენ.