დასავლეთი რუსეთის აგრესიას მეზობელი ქვეყნების მიმართ არასდროს უნდა შეეგუოს. ამის შესახებ "ასოშიეიდედ პრესისთვის" მიცემულ ინტერვიუში საქართველოს პრეზიდენტმა განაცხადა. გიორგი მარგველაშვილის თქმით, რუსეთი მზადაა პოსტსაბჭოთა სივრცეში გაფართოვების მიზნით საკუთარი ჯარი გამოიყენოს, რის გამოც ევრაზიის კონტინენტის დიდი ნაწილი მუდმივი საფრთხის ქვეშ იმყოფება. "თუ დასავლეთს რუსეთის აგრესიაზე უფრო მწვავე რეაქცია არ ექნება, მოსკოვის ეს ქმედებები შესაძლოა წესადაც იქცეს,"-აღნიშნა საქართველოს პრეზიდენტმა.
