კოალიცია „ქართული ოცნება“ ტელეკომპანია „რუსთავი 2“-ს ხელს უწყობს, თვლის “მაესტროს“ დამფუძნებელი მამუკა ღლონტი. ასეთი განცხადება გადაცემა “20-30“-ის პირდაპირ ეთერში გაჯღერდა. ამასთანავე ღლონტმა აღნიშნა, რომ 2012 წელს საპარლამენტო არჩევნების დროს კოალიციამ „რუსთავი 2“-ზე 1 მილიონ ლარზე მეტი სარეკლამო დრო შეისყიდა, იმ დროს როდესაც ეს ტელეკომპანია, ღლონტის აზრით, „ნაციონალური მოძრაობის“ პოლიტიკურ დავალებას ასრულებდა.
„პარადოქსს გეტყვით. წინა არჩევნებზე «ქართულმა ოცნებამ» „რუსთავი 2“-ში შეიტანა მილიონ ლარზე მეტი ღირებულების რეკლამა და ერთი თეთრი არ მიუტანიათ მაესტროზე. ეს არის ტელეკომპანია, რომელსაც ხელს უწყობდა მიხეილ სააკაშვილი, ასევე ხელს უწყობს ოცნებაც“, - განაცხადა ღლონტმა.
გადაცემის მსვლელობისას, რომელშიც განიხილებოდა „რუსთავი 2“-ის გუშინდელი ტელეეთერი, სადაც მოქმედი ხელისუფლების მიმართ რესპონდენტების შეურაცხმყოფელი კომენტარები გაჟღერდა, მამუკა ღლონტმა შეაფასა კორესპონდენტების საქმიანობა, როგორც შორს მდგარი ჟურნალისტიკისაგან.
“რუსთავი 2“ არ არის მედიასაშუალება! ეს არის კონკრეტული ჯგუფი, რომელიც ემსახურება მეორე კონკრეტული ჯგუფის პოლიტიკურ ინტერესებს. მე არ მახსოვს, რომ როდისმე ნაციონალური მოძრაობის პერიოდში „რუსთავი 2“-ს გაეკეთებინა ამდაგვარი სიუჟეტი „როგორ უჭირს ხალხს“. რაც გუშინგააკეთეს - ეს საოცრებაა, ეს ჟურნალისტიკისაგან ძალიან შორს არის», - აღნიშნა “მაესტროს“ დამფუძნებელმა და დაამატა: “რუსთავი 2“-ში ჯურნალისტის ჭაჭანება არ არის».
