პრემიერ-მინისტრმა ირაკლი ღარიბაშილმა თხოვნით მიმართა პრეზიდენტს, მთავრობის განახლებული შემადგენლობა პარლამენტს დღესვე წარუდგინოს. მთავრობის მეთაურის განმარტებით, განხორციელებული ცვლილებები მიმართულია მთავრობის ეფექტურობის გაზრდისკენ.
„ჩვენ მზად ვართ, დღესვე ვუპასუხოთ პარლამენტარების შეკითხვებს და საკანონმდებლო ორგანოში წარვადგინოთ სამთავრობო პროგრამა,“–დასძინა პრემიერმა.
პრემიერ-მინისტრმა მინისტრობის კანდიდატები დღეს წარადგინა. თავდაცვის მინისტრის პოსტს თინათინ ხიდაშელი დაიკავებს, გარემოს დაცვისა და ბუნებრივი რესურსების სამინისტროს გიგლა აგულაშვილი უხელმძღვანელებს, ხოლო სპორტისა და ახალგაზრდობის საქმეთა სამინისტროს– ტარიელ ხეჩიკაშვილი.
