თბილისში, ათონელის ქუჩაზე მდებარე რეზიდენციაში რომელიმე სამთავრობო უწყება განთავსდება, - ამის შესახებ ჟურნალისტებს ქონების ეროვნული სააგენტოს თავმჯდომარემ ეკატერინე სისაურმა განუცხადა. ქონების ეროვნული სააგენტოს თავმჯდომარეს არ დაუკონკრეტებია, რომელი სახელმწიფო უწყება შეიძლება განთავსდეს აღნიშნულ შენობაში.
მისივე განმარტებით, შენობა დაპროექტებულია, როგორც უმაღლესი თანამდებობის პირის რეზიდენცია, რის გამოც მისი შესყიდვით დღემდე არავინ დაინტერესებულა.
„საკმადო სპეციფიკური სახის შენობაა, რომელიც დაპროექტებულია, როგორც უმაღლესი თანამდებობის პირის რეზიდენცია. შესაბამისად, გათვლილი არქიტექტურით და შიდა სივრცით. ვფიქრობ, სწორედ ესაა მიზეზი, რომ ამ შენობით დღმდე არც ერთი პოტენციური მყიდველი არ დაინტერესებულა. შენობის კომერციული მიზნებისთვის მორგება საკმაოდ რთული იქნებოდა", - განაცხადა სისაურმა.
