22-24 მაისს, ბათუმში, ტურიზმისა და სასტუმრო აღჭურვილობის მე-8 საერთაშორისო გამოფენა "EXPO BATUMI 2015" გაიმართება, რომლის ორგანიზატორიც კომპანია „GEONET EXPO"-ა.
როგორც ცნობილია, ”EXPO BATUMI 2015:-ში მონაწილეობას მიიღებენ, როგორც ადგილობრივი, ისე უცხოური კომპანიები, სასტუმრო ქსელების,
სასტუმრო აღჭურვილობის, დეკორაციების, რესტორნების და ტურიზმის სფეროში დასაქმებული სხვადასხვა კომპანიების წარმომადგენლები.
ორგანიზატორებისთვის უკვე ცნობილია, რომ გამოფენაში მონაწილეობას მიიღებენ კომპანიები შემდეგი ქვეყნებიდან: თურქეთი, აზერბაიჯანი, რუსეთი, უკრაინა, სომხეთი, ლიტვა, პოლონეთი, ბელორუსია, გერმანია და სხვა. გამოფენის მიმდინარეობისას იგეგმება სარეკლამო, საინფორმაციო ტურები, პრეზენტაციები მონაწილეთათვის და შეხვედრები მასმედიის წარმომადგენლებთან.
გამოფენის მხარდამჭერები არიან აჭარის ა.რ. მთავრობა, ქალაქ ბათუმის მერია, აჭარის სავაჭრო-სამრეწველო პალატა, აჭარის ტურიზმისა და კურორტების დეპარტამენტი და ბათუმის ტურისტული სააგენტო.
