ქვემო ქართლში გასულ წელს 47 მილიონ დოლარზე მეტი პირდაპირი უცხოური ინვესტიცია შევიდა, აღნიშნულის შესახებ განცხადება საქართველოს პრემიერ-მინისტრმა ირაკლი ღარიბაშვილმა მარნეულში ”ძლიერი რეგიონი ძლიერი საქართველოსთვის“, - ახალი სამთავრობო პროექტის პრეზენტაციას განაცხადა. როგორც ირაკლი ღარიბაშვილმა პრეზენტაციისა განმარტა, რომელსაც თავის მხრივ კერძო სექტორის წარმომადგენლებიც ესწრებოდნენ, აღნიშნული ინვესტიციები ჩაიდო გადამმუშავებელი მრეწველობის, სამთო-მოპოვებითი მრეწველობის, ენერგეტიკის, უძრავი ქონების, ტრანსპორტისა და კავშირგაბმულობის დარგებში.
პრემიერ-მინისტრმა პრეზენტაცია რეგიონში სოფლის მეურნეობის დარგის მიმოხილვით დაიწყო, რომელიც პრემიერ-მინისტრის თქმით, , ქვემო ქართლისთვის ძალიან პერსპექტიული დარგია.
”შეღავათიანი აგროკრედიტის პროექტის ფარგლებში, ქვემო ქართლში ჩვენ გავეცით 5 500-მდე სესხი, რომელთა საერთო ღირებულება 114 მილიონ ლარზე მეტია. ამავე პროექტის ფარგლებში დავაფინანსეთ 18 ახალი საწარმო და ამისათვის 9 მილიონ ლარზე მეტი გავეცით. გარდა ამისა, სახელმწიფოს დახმარებით რეგიონში გადაიარაღებულია 89 საწარმო და ამისათვის გაცემულია 18 მილიონ ლარზე მეტი.
პროგრამის - „აწარმოე საქართველოში“ - ფარგლებში, 12 საწარმო, მათ შორის 10 ახალი საწარმო, 13,9 მილიონზე მეტი დოლარით დაფინანსდა. მეწარმეებს გადაეცათ 3,6 მილიონი ლარის ოდენობის ქონება”,- აღნიშნა ირაკლი ღარიბაშვილმა.
პრემიერ-მინისტრის თქმით, რეგიონში აქტიურად მუშაობს სოფლის მეურნეობის სამეცნიერო-კვლევითი ცენტრი, რაც ძალიან მნიშვნელოვანია სოფლის მეურნეობის განვითარებისთვის და კიდევ უფრო მნიშვნელოვანია ქვემო ქართლისთვის. რეგიონში ფუნქციონირებს სოფლის მეურნეობის სამინისტროს ლაბორატორიის მარნეულის საველე სადგური, რომელიც ნაყოფიერად მუშაობს ცხოველთა დაავადებების დიაგნოსტიკაზე. ამჟამად სადგურში მიმდინარეობს სურსათისა და წყლის ბაქტერიოლოგიური კვლევების დანერგვა.
”ჩვენ ვატარებთ სპეციალურ ღონისძიებებს სარწყავი ინფრასტრუქტურის რეაბილიტაციის კუთხით. ამჟამად მიმდინარეობს 28 მილიონ ლარზე მეტი ღირებულების სამუშაოები. წელს იგეგმება 2014 წელს დაწყებული 10 ობიექტის დასრულება და 3 ახალ ობიექტზე სარეაბილიტაციო სამუშაოების დაწყება”, აღნიშნა ღარიბაშვილმა.
