კოოპერატივი „თერჯოლის ღვინო”-ს პროდუქციის იმპორტი იაპონიაში განხორციელდება. ENPARD- ის ინფორმაციით, კოოპერატივი „თერჯოლის ღვინო“, მათი ერთ-ერთი წარმატებული პროექტია.  ‪‎ENPARD‬-იდან   „თერჯოლის ღვინომ“ მატერიალური და ტექნიკური დახმარება მიიღო და ბიზნესიც გაფართოვდა. ENPARD- ის ინფორმაციით, გაფართოების შდეგად კოოპერატივი იაპონურ მხარეს  700 ბოთლი ღვინის ნაცვლად უკვე 3000-მდე ბოთლ ღვინოს მიაწვდის. 1 ბოთლის სარეალიზაციო ფასი კი 10 დოლარი იქნება.
”გოგიტა მაკარიძემ პირველი წარმატება ღვინის გამოფენაზე იგემა, როდესაც მისი საოჯახო ბიოლოგიურად სუფთა ღვინით იაპონელი ინვესტორები დაინტერესდნენ. სამწუხაროდ მცირემიწიანობის გამო გოგიტა მაკარიძემ და მის თერჯოლელ თანასოფლელებს მოწეული ყურძნის მოსავლით მიღებული ღვინო მხოლოდ საკუთარი მოხმარებისთვის თუ ყოფნიდათ და ისიც წლიდან წლამდე. გამოსავალი მოიძებნა - ბიჭებმა მიწები გააერთიანეს და კოოპერატივი „თერჯოლის ღვინო“ ჩამოაყალიბეს. ‪ENPARD‬-ის დახმარებით „თერჯოლის ღვინომ“ მატერიალური და ტექნიკური დახმარებაც მიიღო და ბიზნესიც გაფართოვდა. ამიერიდან იაპონელები 700 ბოთლი ღვინის ნაცვლად, 3000-მდე ბოთლს წაიღებენ და თითოს 10 დოლარად”, აცხადებენ ‪ENPARD‬-ში.