აჭარის ნაერთი ბიუჯეტის I კვარტლის გეგმა 19,4%-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, იანვარ-მარტის ნაერთი ბიუჯეტის გეგმა 44 მლნ 176 ათასი ლარი იყო, თუმცა საანგარიშო პერიოდის ბოლოს შესრულებამ 52 მლნ 740 ათას 300 ლარი შეადგინა. შესაბამისად იანვარ-მარტის ნაერთი ბიუჯეტის გეგმა 119,4-ით შესრულდა. სტატისტიკური ინფორმაციის მიხედვით, აჭარის ნაერთი ბიუჯეტის შემოსავლების მუხლის შესრულება 18,9 %-ით გადაჭარბდა, სხვა შემოსავლების მუხლი 25,9 %-ით, ხოლო არაფინანსური აქტივების მუხლის შესრულება კი 3,3 %-ით გადაჭარბდა.

119,4-ით შესრულდა ასევე აჭარის ავტონომიური რესპუბლიკის რესპუბლიკური ბიუჯეტიც. საშემოსავლო გადასახადის გეგმა 32 მლნ ლარი იყო, თუმცა ფაქტიურმა შესრულებამ 37 მლნ 984 ათას 400 ლარი შეადგინა, ანუ რესპუბლიკური ბიუჯეტის საშემოსავლო9 ნაწილი 18,7 %-ის გადაჭარბებით შესრულდა. სხვა შემოსავლების გეგმა 1 მლნ 452 ათას 100 ლარი იყო, შესრულებამ 2 მლნ 386 ათას 900 ლარი შეადგინა, რაც იმას ნიშნავს,მ რომ გეგმა 64,4 %-ის გადაჭარბებით შესრულდა. არაფინანსური აქტივების მუხლი კი მხოლოდ 2,1 %-იანი გადაჭარბებით.

რაც შეეხება მუნიციპალურ ერთეულებს, ხულოს პირველი კვარტლის ბიუჯეტი 1 218,4 %-ითაა შესრულებული, ქედას ბიუჯეტი - 56,1 %-ით, შუახევის ბიუჯეტი - 296 %-ით, ხელვაჩაურის ბიუჯეტი - 137,7 %-ით, ბათუმის ბიუჯეტი - 114,5 %-ით, ხოლო ქობულეთის ბიუჯეტი კი - 109,7 %-ით.