ხვალ, 3 აპრილს, 19:00 საათზე, სასტუმრო “რედისონ ბლუ ივერიაში” IT პერსპექტიული მიმართულებით სწავლებისთვის გადამზადებული ტრენერები სერთიფიკატებით დაჯილდოვდებიან.
აღნიშნული პროექტი საქართველოს ინოვაციების და ტექნოლოგიების სააგენტოს მიერ „2020 წლისათვის 40,000 IT სპეციალისტის გადამზადების პროგრამის“ ფარგლებში გაიმართა. გადამზადებული ტრენერები სააგენტოს მხარდაჭერით და საქართველოში არსებული სასწავლებლებისა და კომპანიების ჩართულობით მოახდენენ ინოვაციების ლაბორატორიების ფორმირებას, სადაც ისინი გააგრძელებენ დამწყები დონის სპეციალისტების მომზადებას. წლის განმავლობაში სააგენტოს ხელშეწყობით დაგეგმილია დამატებით 120 ტრენერის გადამზადება პერსპექტიული ტექნოლოგიური მიმართულებით. გადამზადების პროგრამა საქართველოს ინოვაციების და ტექნოლოგიების სააგენტომ დააფინანსა.
