საქართველოს ტურიზმის ეროვნულმა ადმინისტრაციამ უკრაინაში, საერთაშორისო ტურისტულ გამოფენაში “UITT 2015” მიიღო მონაწილეობა. ტურიზმის ეროვნულ ადმინისტრაციასთან ერთად კიევის საერთაშორისო გამოფენაში აჭარის ტურიზმისა და კურორტების დეპარტამენტი, დაცული ტერიტორიების სააგენტო და Liberty Georgia მონაწილეობდნენ. გამოფენა 25 მარტს გაიხსნა და 3 დღე გაგრძელდა.
კიევის 21-ე საერთაშორისო გამოფენას 22,000 სტუმარი ეწვია. “UITT 2015-ს 700 საერთაშორისო კომპანიიდან 7500-ზე მეტი წარმომადგენელი დაესწრო. გამოფენის ფარგლებში სხვადასხვა ქვეყნის ტურისტულ სააგენტოებთან, სერვისის მომწოდებლებთან და მედიის წარმომადგენლებთან შეხვედრები გაიმართა, მათ შორის რეიტინგულ გამომცემლობებთან კერძოდ: გამომცემლობა „ბურდა-უკრაინა“, რომელიც მოიცავს ჟურნალებს "Лиза", "Отдохни!", "Burda Style", "Добрые советы", "Мой ребенок","Marie Claire", ასევე გამომცემლობა „Международный Туризм“ და „Мир отдыха“
აღნიშნული გამომცემლობები საქართველოს ტურიზმის ეროვნულ ადმინისტრაციასთან თანამშრომლობას და პრეს-ტურში მონაწილეობას გეგმავენ.
