”ვითიბი ბანკმა” ბაზარზე ახალი ბარათი - Rugby Card-ი გამოიტანა. ბანკის საცალო ბიზნესის დირექტორის ვალერიან გაბუნიას განმარტებით, 1-ელი აპრილიდან ”ვითიბი ბანკი”, მომხარებელს სთავაზობს, სპეციალურად რაგბის მსოფლიო თასისთვის შექმნილ განსაკუთრებული დიზაინის ბარათს - Rugby Card. აღნიშნული ბარათით ანგარიშსწორებისას მომხმარებელი ყოველ 20, ან მეტ ლარიან ტრანზაქციაზე გათამაშების 2 ბილეთს მიიღებს.
”ვითიბი ბანკი ეროვნული ნაკრების გენერალური სპონსორია, შებამისად გადავწყვიტეთ თანადგომა კიდევ ერთხელ გამოგვეხატა და Rugby Card - ის გამოშვებაც სწორედ ამიტომ გადავწყვიტეთ”, აცხადებს გაბუნია.
როგორც ცნობილია, 1 აპრილიდან ბანკმა წამახალისებელი აქცია დაიწყო და მომხმარებელი ვითიბი ბანკის Rugby Card-ით ან ნებისმიერი სხვა ბარათით გადახდისას ერთვება წამახალისებელ გათამაშებაში და ეძლევა შესაძლებლობა მოიგოს ინგლისში საქართველოს ეროვნული ნაკრების მატჩზე დასწრება.
Rugby Card -ით ანგარიშსწორების შემთხვევში მოგების შანსი იზრდება, რადგან ყოველ 20 ან მეტ ლარიან ტრანზაქციაზე მომხარებელი 2 ბილეთს იღებს. სხვა ბარათების შემთხვევაში იგივე თანხაზე 1 ბილეთი გაიცემა.
