უსხვილესი პოლონური ტუროპერატორი ”Rainbow Tours”-ი ბათუმის მიმართულებით ჩარტერულ რეისებს შეასრულებს. როგორც აჭარის ტურიზმისა და კურორტების დეპრტამენტში განმარტავენ, უწყებამ ინტენსიური მოლაპარაკებები აწარმოა "Rainbow Tours"-თან, რომელიც წარმატებით დასრულდა და 2015 წლის სეზონისათვის კომპანია პოლონეთის სამი ქალაქიდან ჩარტერულ ფრენებს კვლავ განაახლებს.
"Rainbow Tours "-ის ორგანიზებით ბათუმში ფრენები განხორციელდება, როგორც ვარშავიდან, ისე ქალაქ კატოვიცედან და პოზნანიდან. ფრენები ივნისიდან სექტემბრის ბოლომდე კვირაში ორჯერაა დაგეგმილი“, აცხადებენ აჭარის ტურიზმისა და კურორტების დეპარტამენტში.
დეპარტამენტში ასევე აცხადებენ, რომ მხოლოდ "Rainbow Tours"-ის ორგანიზებით რეგიონში 2014 წელს 5483 პოლონელი ტურისტი ჩაავიდა.
„2015 წლისთვის კომპანია ავიაფრენების ფარგლებში მგზავრთა რაოდენობის 30%-ით გაზრდას გეგმავს. მსგავსი აქტივობით აჭარის ტურიზმისა და კურორტების დეპარტამენტი ხელს უწყობს რეგიონში ტურიზმის კერძო სექტორის სტიმულირებასა და განვითარებას. აღსანიშნავია ისიც, რომ ბათუმში პოლონელი ტურისტების დიდი რაოდენობა ქუთაისის აეროპორტის გზით შემოდის. 2014 წელს პოლონეთის მიმართულებით 2013 წელთან შედარებით 29,1%-იანი ზრდა დაფიქსირდა“, აცხადებენ დეპარტამენტში.
