ზაფხულის ტურისტული სეზონიდან ბათუმის საერთაშორისო აეროპორტიდან დამატებითი სიხშირეები დაინიშნება. 19 ივნისიდან „უკრაინის საერთაშორისო ავიახაზები“ ბათუმიდან ხარკოვის მიმართულებით კვირაში 2 რეისს შეასრულებს. ასევე ცნობილია, რომ ივნისიდან რეისებს გაანახლებს ავიაკომპანია „ბელავიაც“, რომელიც ბათუმიდან რეისებს მინსკის მიმართულებით განახორციელებს.
აპრილში კი ბათუმის საერთაშორისო აეროპორტიდან ფრენები თბილისის, მოსკოვისა და სტმაბულის მიმართულებით ხორციელდება.
უკვე გაწერილი გეგმის მიხედვით, აპრილში ბათუმის საერთაშორისო აეროპორტიდან Georgian Airways-ი რეისებს მოსკოვისა და თბილისის მიმართულებით შეასრულებს. Turkish Airlines-ი კი ბათუმიდან სტამბულის მიმართულებით იფრენს. Georgian Airways-ის გარდა ბათუმიდან მოსკოვის მიმართულებით იფრენს ასევე ავიაკომპანია S7 Airlines-იც.
