პრემიერ-მინისტრთან არსებული ეკონომიკური საბჭო, რომელმაც სამეგრელო-ზემო სვანეთის ეკონომიკური პოტენციალის კვლევა მოამზადა, მარტვილის რაიონში საშრობი მეურნეობის განვითარების (ხურმის ჩირი) წარმოების პერსპექტივას ხედავს.
როგორც კვლევიდან ირკვევა, ზუგდიდის რაიონში დიდი პოტენციალი გააჩნია ავეჯის გადამამუშავებელ წარმოებას, ხის სამშენებლო მასალების, კონსტრუქციებისა და ნაკეთობების-წარმოებას. ზუგდიდში ასევე შესაძლებელია და სათანადო პოტენციალიც არსებობს უალკოჰოლო სასმელებისა და ლუდის წარმოებისათვის. სამეგრელო-ზემო სვანეთის ეკონომიკური პოტენციალის კვლევაში ასევე წერია, რომ ზუგდიდში სამშენებლო მასალების (კრამიტი, აგური, რკინა- ბეტონის ბლოკები, ფილების) წარმოების დიდი პოტენციალია. ეკონომიკური საბჭოს გათვლებით, სენაკის რაიონში ინვესტორებისათვის ხელსაყრელი იქნება ცემენტისა და აგურის მწარმოებელი ქარხნების აშენება.
სამაგიეროდ თაბაშირ-მუყაოს გადამამუშავებელი ქარხნის მშენებლობის პოტენციალი არსებობს ხობში, სადაც სამეგრელო-ზემო სვანეთის ეკონომიკური პოტენციალის კვლევის მიხედვით არსებობს პოტენციალი თხილისა და სიმინდის ზეთის გადამამუშავებელი საწარმოების მშენებლობისათვის.
