სამეგრელო-ზემო სვანეთის რეგიონის ერთ-ერთი პრობლემა აუთვისებელი სავარგულებია, აღნიშნულის შესახებ სამეგრელო-ზემო სვანეთის ეკონომიკური პოტენციალის კვლევაშია აღნიშნული, რომელიც პრემიერ-მინისტრთან არსებულმა ეკონომიკურმა საბჭომ მოამზადა. როგორც კვლევის მიხედვით ირკვევა,, სამეგრელო-ზემო სვანეთში აუთვისებელია 14,8 ათას ჰა სავარგულები, რაც მთლიანი სავარგულების 5,5%-ია. აუთვისებელი სავარგულებიდან დეგრადირებულია 5000 ჰა-ზე მეტი, რომელსაც გაველურებული ჩაისა და ტუნგოს ფართობები შეადგენს.
აღსანიშნავია, რომ რეგიონის სასოფლო-სამეურნეო სავარგულის ფართობი სულ 268 ათას ჰა-ს შეადგენს.
