კანონმდებლები გიორგი ოჩიაურის ადგილმონაცვლის ლევან თარხნიშვილის პარლამენტის წევრის უფლებამოსილების ცნობის საკითხს განიხილავენ.
საკითხის განხილვა 14:00 საათზე თბილისში მდებარე პარლამენტის შენობაში საპროცედურო საკითხთა და წესების კომიტეტის სხდომაზეა დაგეგმილი.
შეგახსენებთ, რომ საპარლამენტო უმცირესობის წარმომადგენელმა გიორგი ოჩიაურმა სადეპუტატო უფლებამოსილების ვადამდე ადრე შეწყვეტა საკუთარი სურვილით ჯანმრთელობის მდგომარეობის გამო მოითხოვა.
გიორგი ოჩიაური პარლამენტის უხუცესი წევრი და „ნაცმოძრაობის” დეპუტატია.
