არაბეთის გაერთიანებული საემიროების მთავრობამ ქვეყნის ტერიტორიაზე მცირე ზომის უპილოტო საფრენი აპარატების ექსპლუატაცია აკრძალა, წერს Air Transport World. აკრძალვა იმ პოტენციურმა საფრთხეებმა გამოიწვია, რასაც დრონები სამოქალაქო ავიაციის თვითმფრინავებს უქმნიდა. აკრძალვა ძალაში იქნება მანამდე, ვიდრე ასეთი აპარატების ფრენის საერთაშორისო სტანდარტები არ ამოქმედდება.
თავად გადაწყვეტილება არაბეთის გაერთიანებული საემიროების მთავრობამ იმ ინციდენტის გათვალისწინებით მიიღო, რაც 2015 წლის იანვარში დუბაის საერთაშორისო აეროპორტში დაფიქსირდა. მაშინ დრონმა აეროპორტში თვითმფრინავების აფრენა/დაფრენა 1 საათით შეაყოვნა, ამის მიზეზი კი ე.წ. დრონი იყო, რომელიც აეროპორტის მახლობლად დაფრინავდა.
გავრცელებული ინფორმაციის მიხედვით, აშშ და ევროკავშირი დრონების ფრენის საერთაშორისო სტანდარტების შემუშავებაზე უკვე მუშაობენ. წინასწარი მონაცემებით, აღნიშნული სტანდარტები 2016 წლის იანვრიდან უნდა ამოქმედდეს.
