ლიტვის სეიმის საგარეო საქმეთა კომიტეტმა საქართველოს აფხაზეთისა და ცხინვალის რეგიონებში რუსეთის ფედერაციის მიერ განხორციელებული ,,მცოცავი" ანექსიის შესახებ განცხადება მიიღო.
განცხადება გმობს რუსეთის ფედერაციასა და აფხაზეთისა და ცხინვალის საოკუპაციო რეჟიმებს შორის 2014 წლის 24 ნოემბერს და 2015 წლის 18 მარტს გაფორმებულ ე. წ. „ხელშეკრულებებს“ და ხაზგასმით აცხადებს, რომ ამგვარი „ხელშეკრულებები“ არღვევს საქართველოს ტერიტორიულ მთლიანობას, საერთაშორისო სამართლის პრინციპებსა და რუსეთის მიერ ნაკისრ საერთაშორისო ვალდებულებებს.
დოკუმენტში გამოხატულია საქართველოს დამოუკიდებლობის, სუვერენიტეტისა და ტერიტორიული მთლიანობის მიმართ მტკიცე მხარდაჭერა და აღნიშნულია, რომ საქართველოს ოკუპირებული რეგიონები - აფხაზეთი და ცხინვალი - საქართველოს ტერიტორიის განუყოფელი ნაწილია.
