ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ ორმხრივი შეხვედრა გამართა საბერძნეთის საგარეო საქმეთა ალტერნატიულ მინისტრთან ევროპულ საქმეებში ნიკოლაოს ხუნდისთან.
შეხვედრა ქ.ათენში სახელმწიფო მინისტრის სამუშაო ვიზიტის ფარგლებში გაიმართა. შეხვედრაზე მხარეებმა საქართველოს ევროკავშითან ინტეგრაციის აქტუალური საკითხები განიხილეს. კერძოდ, ამ კონტექსტში ყურადღება გამახვილდა რიგის აღმოსავლეთ პარტნიორობის სამიტითვის მზადებასა და მოლოდინებზე.
ბერძნულმა მხარემ დაადასტურა ევროკავშირში ინტერგაციის პროცესში საქართველოს სრული მხარდაჭერა. აღინიშნა, რომ საბერძნეთის ხელისუფლება ინფორმირებულია ქართული მხარის მიერ ვიზების ლიბერალიზაციის სამოქმედო გეგმის წარმატებით შესრულების შესახებ და შესაბამისად, საბერძნეთის ხელისუფლება მხარს დაუჭერს აღნიშნულ საკითხში საქართველოსთვის დადებით გადაწყვეტილებას.
