„2014 წელს 2013 წელთან შედარებით მხოლოდ თბილისში 17 ახალი სასტუმრო გაიხსნა და ტურისტულ სექტორს შეემატა 725 ახალი საწოლი ადგილი”, - აღნიშნულის შესახებ საქართველოს პრემიერ-მინისტრმა ჟურნალისტებთან შეხვედრისას აღნიშნა. ირაკლი ღარიბაშვილის თქმით, ტურიზმიდან შემოსულმა შემოსავალმა 2003-2011 წლებში 3,8 მილიარდი აშშ დოლარი შეადგინა, მხოლოდ 2013 და 2014 წლის 9 თვის განმავლობაში კი, 3,1 მილიარდი აშშ დოლარი
„პირველად საქართველოს სამთო კურორტების ისტორიაში მოხდა სათხილამურო ტრასების ხელოვნური გათოვლიანება გუდაურსა და ბაკურიანში. წელს პირველად ზამთრის ტურისტული სეზონის გახსნა აღარ იყო დამოკიდებული ამინდზე. სათხილამურო სეზონი გაიზარდა 5 თვემდე. დღეს უკვე ჩვენი კურორტები იძლევა საერთაშორისო დონის შეჯიბრებების ჩატარების შესაძლებლობას. უკვე წელს გუდაურში 40 %-ით, დიდველზე კი - 20%-ით გაიზარდა ვიზიტორთა რაოდენობა”,- აღნიშნა ირაკლი ღარიბაშვილმა.
