სამშენებლო სექტორის აქტივობა გაზრდილია. პრემიერ-მინისტრის განმარტებით, სამშენებლო სექტორის აქტივობა 2014 წელს 2013 წელთან შედარებით გაზრდილია 20%-ით, ხოლო 2015 წლის თებერვალში წინა წლის შესაბამის პერიოდთან შედარებით კი 23%-ით.

”მინდა ავღნიშნო, რომ 2014 წელს, რეალური მშპ-ს წლიურმა ზრდამ წინასწარი შეფასებით 4,7% შეადგინა (ნაცვლად 5%-იანი პროგნოზირებული ზრდისა). ამასთან, 2014 წლის პირველ კვარტალში მშპ-ს ზრდამ 7,2%, მე-2 კვარტალში 5,2%, მე-3 კვარტალში 5,6%, შეადგინა. 2014 წლის 9 თვის განმავლობაში, განსაკუთრებით გაიზარდა მშენებლობა (16,3%) და ფინანსური შუამავლობა (10,6%). ასევე მაღლი ზრდებია გადამამუშავებელ მრეწველობაში (9,1%), ტრანსპორტში (8,5%), ვაჭრობაში (8,0%), კომუნიკაციებში (6,2%), უძრავ ქონებასა (6,1%) და სასტუმროებისა და რესტორნების (5,2%) სექტორებში”,- განმარტა პრემიერ-მინისტრმა.

ირაკლი ღარიბაშვილის თქმით, 2014 წელს ეკონომიკურ ზრდაში აშკარა წარმართველი როლი ეჭირა კერძო სექტორს.

”2014 წელს პროდუქციის გამოშვება სამეწარმეო სექტორში გაიზარდა 12.8 პროცენტით, ხოლო ბიზნეს სექტორში დასაქმებულთა რაოდენობა - 11 ათასი ადამიანით”,- აღნიშნა პრემიერ-მინისტრმა.