„ჩვენ ყველაფერი უნდა გავაკეთოთ იმისათვის, რომ თავი იგრძნონ დაცულად და ვუთხრათ მათ თუ რა გეგმა გვაქვს ეკონომიკის გაჯანსაღებისთვის”- აღნიშნულის შესახებ განცხადება პრემიერ-მინისტრმა ჟურნალისტებთან შეხვედრისას გააკეთა. პრემიერმა ლარის კურსის გაუფასურებაზეც გაამახვილა ყურადღება და აღნიშნა, რომ ლარის კურსის გაუფასურებაზე გავლენა რეგიონში მიმდინარე მოვლენებმა და მთელს მსოფლიოში დოლარის გამყარებამ იქონია.
”რეგიონში რთული ვითარებაა და ეს ჩვენს რეგიონსაც შეეხო. განვითარებული რთული პროცესები პირველ რიგში ეკონომიკის კუთხით შეგვეხო. ამ ეტაპზე მთავრობის უპირველესი ამოცანაა, რამდენადაც ეს შესაძლებელია, სწრაფად გავუმკლავდეთ პრობლემებს. ლარის კურსთან დაკავშირებით მოვლენები სწორედ საგარეო ფაქტორების ადექვატურად განვითარდა, რაც რეგიონის ქვეყნების ეკონომიკებში ხდება. სავალუტო კურსზე დიდი გავლენა მოახდინა დოლარის გამყარებამ მთელს მსოფლიოში,. აბსოლუტურად ყველა ვალუტის მიმართ, მათ შორის ევროს მიმართაც. რეგიონში არსებულმა რთულმა ეკონომიკურმა პირობებმა განაპირობა ის, რომ ჩვენი ვალუტა გაუფასურდა, მაგრამ მე მინდა გითხრათ, რომ ჩვენ არ ვართ გამონაკლისი. მინდა რამდენიმე მაგალითი მოგიყვანოთ, ჩვენი მეზობელი და მეგობარი ქვეყანა აზერბაიჯანი, რომელიც ჩვენზე 2-3-ჯერ მეტად მდიდარია, გეტყვით, რომ დეკემბერში აზერბაიჯანმა დახარჯა 1,2 მლრდ დოლარი იმისათვის, რომ შეენარჩუნებინა კურსი. იანვარში -1 მლრდ დოლარი, ხოლო თებერვალში ერთ დღეში 34 %-ით გაუფასურება მოხდა”,- აღნიშნა ირაკლი ღარიბაშვილმა.
პრემიერ-მინისტრის განმარტებით, საქართველოში ამ მიმართულებით დაახლოებით 160 მლნ დოლარის დახარჯვა მოხდა და „გვაქვს იგივე მდგომარეობა რაც არის რეგიონში“.
შექმნილი ვითარებიდან გამომდინარე, პრემიერ-მინისტრი გამოსავალს ახალი პროექტების დაწყებაში ხედვას.
”სწორედ ამიტომ ჩვენ დავიწყეთ, უფრო მეტი ახალი ეკონომიკური პროექტის ინიცირება ჩვენ მივიღეთ გადაწყვეტილება მაქსიმალურად დავზოგოთ ადმინისტრაციული ხარჯები, შემცირება არ შეეხება არც ერთ სოციალურ და ინფრასტრუქტურულ პროექტს”, - განმარტა ღარიბაშვილმა.
