ეგვიპტეში, ქვეყნის მასშტაბით ყველაზე მაღალი ცათამბჯენი აშენდება და მასში სასტუმრო განთავსდება. ქვეყნის მშენებლობის მინისტრმა მუსტაფა მადბულმა უკვე გააღერა ინფორმაცია, რომ ეგვიპტის ახალ დედაქალაქში ყველაზე მაღალი ცათამბჯენი აშენდება. ცათამბჯენს პირამიდის ფორმა ექნება. Zayed Crystal Spark tower-ის სიმაღლე 200 მეტრი იქნება, ხოლო ფართობი 798000 კვ/მ. პროექტის ღირებულება ამ დროისათვის არ კონკრეტდება.
შეგახსენებთ, რომ გასულ კვირაში ცნობილი გახდა, რომ ეგვიპტეს ახალი დედაქალაქი ექნება. ეგვიპტის მთავრობა, ახალ დედაქალაქს ქვეყნის აღმოსავლეთ ნაწილში ააშენებს. ადმინისტრაციული ქალაქი კაიროს აღმოსავლეთით, 45 კილომეტრში აშენდება.
ხელისუფლებაში მიიჩნევენ, რომ ახალი ქალაქის მშენებლობა გარდაუვალია, რადგანაც კაიროში ამ ეტაპზე 20 მლნ ადამიანი ცხოვრობს და 40 წლის შემდეგ მაცხოვრებელთა რაოდენობა უკვე გაორმაგებული იქნება.
ახალი დედაქალაქი 5 მლნ მაცხოვრებელზე იქნება გათვლილი. პროექტის პირველი ნაწილი 7 წელში განხორციელდება. პროექტის საწყისი ეტაპის განსახორციელებლად 45 მლრდ დოლარის ინვესტიციაა საჭირო.
