“სამედიცინო კორპორაცია ევექსის“ ინიციატივით საქართველოს სამუშაო ვიზიტით საერთაშორისო სააკრედიტაციო კომისიის (Joint Commission International (JCI)) ექსპერტები ესტუმრნენ. ჯეი–სი–აის წარმომადგენლებმა ბათუმის რეფერალური ჰოსპიტალი მოინახულეს, სადაც პირველად საქართველოში ორი წარმატებული ღვიძლის ოპერაცია ჩატარდა.
საერთაშორისო სააკრედიტაციო კომისია (ჯეი–სი–აი) მსოფლიოში წამყვანი ორგანიზაციაა, რომელიც უზრუნველყოფს პაციენტთა უსაფრთხო და მაღალი ხარისხის სამედიცინო სერვისებს, სტანდარტების შემუშავებას, დანერგვასა და შეფასებას.
საერთაშორისო სააკრედიტაციო კომისიის წარმომადგენლებმა ბათუმის რეფერალური ჰოსპიტალის ჯეი–სი-აის სტანდარტებთან შესაბამისობა შეაფასეს. მიღებული შედეგების საფუძველზე ექსპერტები მოამზადებენ დეტალურ დასკვნას და ჰოსპიტალის ფუნქციონირების გაუმჯობესების მიზნით შეიმუშავებენ რეკომენდაციებს.
ჯეი–სი–აის ექსპერტებმა სამუშაო შეხვედრებზე კორპორაციის მართველ გუნდთან ერთად შეადგინეს “სამედიცინო კორპორაცია ევექსის“ ხარისხის სტანდარტების შემუშავებისა და დანერგვის სამოქმედო გეგმა.
“სამედიცინო კორპორაცია ევექსი“ აგრძელებს ჯეი–სი–აისთან თანამშრომლობას.
