რუსეთის ხელისუფლება ქვეყანაში ავიატურისტების 72 საათიანი უვიზო შესვლის შესახებ კანონპროექტის მიღების დაჩქარებას გეგმავს.
ამის შესახებ ინფორმაციას, პრემიერ-მინისტრ დიმიტრი მედვედევის მიერ ქალაქ სამარაში გამართული თათბირის ოქმზე დაყრდნობით, სააგენტო ,,რია ნოვოსტი” ავრცელებს.
,,მინისტრთა კაბინეტის წევრებთან, უშიშროების სამსახურსა და სახელმწიფო დუმასთან მოლაპარაკების შედეგად გადაწყდა ,,რუსეთის ფედერაციიდან გასვლისა და ფედერაციის ტერიტორიაზე შესვლის წესების შესახებ” კანონში შესატანი ცვლილებების მეორე მოსმენით დამტკიცების მიზანშეწონილობა.” - ნათქვამია სააგენტოს მიერ მოპოვებული დოკუმენტის ასლში.
კანონში შესატან შესწორებებში ნაგულისხმევია რუსეთის ტერიტორიაზე 72 საათის განმავლობაში უვიზოდ შესვლის დაწესება იმ ტურისტებისთვის, რომლებიც ქვეყანაში საჰაერო ტრანსპორტით ჩაფრინდებიან.
სააგენტოს ცნობით, ამ ინიციატივას, აეროპოტის წარმომადგენლებიც ეთანხმებიან.
