აშშ-ში გასაყიდად გამოიტანეს, ჩიკაგოში მდებარე ცათამბჯენი Sears Tower-ი, რომელიც სიმაღლის მიხედვით აშშ-ში რიგით მეორე შენობაა.
შენობის ფასი დაახლოებით 1,5 მლრდ დოლარია. ამ დროისათვის Sears Tower-ი ბიზნესმენთა ჯგუფის საკუთრებაა, რომლის შემადგენლობაშიც შედიან ცნობილი ბიზნესმენები ლოიდ გოლდმანი და ჯოზეფ ჩრტრიტი. აღსანიშნავია, რომ 2004 წელს ცათამბჯენი ინვესტორებმა სადაზღვეო ჰოლდინგის MetLife-გან გამოისყიდეს და შენობაში 841 მლნ დოლარი გადაიხადეს.
შეგახსენებთ, რომ Sears Tower-ი 1973 წელს Sears Holdings-ის მიერ აშენდა და 25 წლის მანძილზე ის აშშ-ში სიმაღლით ნომერ პირველი შენობა იყო. ცათამბჯენის სიმაღლე 443 მეტრია.
