აშშ-ს ქალაქ ტასლაში (ოკლაჰომას შტატი) ავტოფარეხების კომპლექსის ნაცვლად ცათამბჯენი აშენდება. თუ როგორ უნდა იყოს აღნიშნული ცათამბჯენი, ქალაქის მუნიციპალიტეტის მიერ გამოცხადებულ კონკურსზე ერთ-ერთი პროექტი შევიდა, რომლის მიხედვითაც ახალ ნაგებობას ტორნადოს ფორმა ექნება. პროექტის მაკეტის თანახმად ირკვევა, რომ შენობა 20-დან 30 სართულამდე უნდა იყოს, სადაც სამომავლოდ შესაძლოა ამინდის მუზეუმი და კვლევითი ცენტრი განთავსდეს.
სპირალისებრი შენობა მუქი ფერებით იქნება განათებული და მოძრავი ტორნადოს ეფექტს დატოვებს. ბოლო სართულზე დაგეგმილია ასევე მოძრავი რესტორანის განთავსება, რაც იქ მყოფებთ ტორნადოს შთაბეჭდილებას დაუტოვებს. შენობაში სასტუმრო ნომრებიც იქნება განთავსებული.
როგორც პროექტის არქიტექტორი ენდრიუ კინსლოუ მედიასთან საუბარში განმარტავს, რომ პროექტთან დაკავშირებით შეთავაზებები ინვესტორებისგან უკვე აქვს და არ გამორიცხავს, რომ აღნიშნული პროექტი სხვაგან განახორციელოს.
