2014 წელი ფრენების უსაფრთხოების კუთხით საუკეთესო იყო. მიუხედავად ორი ტრაგიკული ინციდენტისა, რომელიც Malaysian Airlines-ის თვითმფრინავებს, 2014 წელს შეემთხვათ, გასული წელი ფრენების უსაფრთხოების კუთხით, ბოლო 5 წლის მონაცემებით, მაინც საუკეთესო წლად ჩაითვალა. დასკვნა კი საერთაშორისო საჰაერო ტრანსპორტის ასოციაციის (IATA) ექსპერტებს ეკუთვნის.
IATA -ს ანგარიშში აღინიშნა, რომ 2014 წელს ავიაკატასტროფებით გარდაცვლილთა რაოდენობა წინა წლებთან შედარებით მაღალი იყო, თუმცა თავად ავარიებისა და ინციდენტების რაოდენობა იყო საკმაოდ დაბალი.
ასოციაციის მონაცემებით, 2014 წელს დაფიქსირდა 12 ავიაკატასტროფა, რამაც სიცოცხლე მოუსწრაფა 640 ადამიანს. სტატისტიკური ინფორმაციის მიხედვით, 2009 წლიდან 2013 წლის ჩათვლით წელიწადში საშუალოდ 19 ავიაკატასტროფა ფიქსირდებოდა.
