ჩინელი მწარმოებლები, რომლებიც ძირითადად შიდა ბაზრისთვის მუშაობენ, ამერიკული კორპორაცია Apple-ის პროდუქციის კლონირებას სისტემატიურად ახდენენ. თუმცა ამჯერად საქმე გვაქვს ჯერ არ დაბადებულ Apple Watch-თან, რომლის პრეზენტაციაც დღესაა და რომლის რეალიზაციაც აპრილიდან უნდა დაიწყოს.
უცხოური მედიის ინფორმაციით, კომპანია Zeaplus-მა Apple Watch-ის ანალოგის გამოშვება უკვე დაანონსა.
Zeaplus-ის ე.წ. ”ჭკვიანი საათები” იმუშავებენ, როგორც Android-სმარტფონთან ასევე iPhone-სთან კავშირში. ასევე საათს აქვს საშუალება SIM-ბარათის ჩაყენების, რაც მას დამოუკიდებლად მუშაობის საშუალებასაც აძლევს. საათის საშუალებით შესაძლებელი იქნება ზარის განხორციელება.
როგორც ამბობენ Apple Watch-ის კლონი ბაზარზე ძალიან მალე გამოვა და მისი ფასი 70 დოლარი იქნება. ეს იმ ფონზე, როდესაც Apple Watch-ის ფასი დაანონსებულია 350 დოლარიდან.
