Facebook-ი აქტიურად მუშაობს არაკომერციული პროექტის Internet.org -ის განხორციელებაზე, რომელიოც მსოფლიო მასშტაბით ინტერნეტზე უფასო წვდომას გულისხმობს.
Facebook-ში აცხადებენ, რომ წლის ბოლომდე უფასო ინტერნეტზე წვდომა 100 ქვეყანაში იქნება შესაძლებელი. ამ დროისათვის პროექტში 6 ქვეყანაა ჩართული, ეს ქვეყნებია ზამბია, ტანზანია, კენია, განა, კოლუმბია და ინდოეთი. შესაბამისად ამ ქვეყნების 7 მლნ ადამიანი უფასო ინტერნეტით უკვე სარგებლობს.
Internet.org-ის ფარგლებში თავისუფლადაა შესაძლებელი წვდომა საბაზისო მომსახურებებზე, Wikipedia-ზე, სასწრაფო-სამაშველო დახმარების საიტებზე, და რაღთქმა უნდა Facebook-ზე.
ექსპერტები აღნიშნავენ, რომ Internet.org-ის შედეგად, პროექტში მონაწილე ქვეყნებში გაიზარდა სმარტფონების რეალიზაცია.
