აჭარას მსხვილი საინვესტიციო ჯგუფი „Absolut Investment Group“ -ი სტუმრობს. რეგიონის მთავრობის ინფორმაციით, აჭარის მთავრობის თავმჯდომარემ არჩილ ხაბაძემ დღეს ერთ-ერთი მსხვილი საინვესტიციო ჯგუფის დირექტორთა საბჭოს თავმჯდომარე ალექსანდრე სვეტაკოვი მიიღო. შეხვედრა „Absolut Investment Group“ -ს წარმომადგენლებთან საქმიან ვითარებაში წარიმართა. რეგიონის პირველმა პირმა ფინანსთა და ეკონომიკის მინისტრთან დავით ბალაძესთან ერთად აჭარაში არსებული საინვესტიციო გარემოდა მიმდინარე პროექტები პირადად გააცნო. კომპანია დაინტერესებულია სტუმარო და სათამაშო ბიზნესით.
აღსანიშნავია, რომ Absolut Investment Group- ის ცხრა წევრიანი შემადგენლობით ბათუმში პირველად იმყოფება.
”მათი ჩამოსვლის მიზანია ადგილობრივი საინვესტიციო ბაზრის შესწავლა და საქართველოში სამომავლოდ საინვესტიციო პროექტების განხორციელება<’- აცხადებს აჭარის მთავრობის მეთაური.
ალექსანდრე სვეტაკოვის თქმით ის აჭარაში გაცნობითი ხასიათის ვიზიტით იმყოფება და ახლო მომავალში ის აჭარას კონკრეტული წინადადებით ესტუმრება.
