”საქართველო ერთადერთი ქვეყანაა, რომელსაც პოზიტიური ეკონომიკური ზრდის პროგნოზი აქვს”,_ ასეთ განცხადებას ფინანსთა მინისტრი ნოდარ ხადური აკეთებს.
ნოდარ ხადური ეკონომიკური ზრდის პროგნოზის შემცირებას გარე შოკებს უკავშირებს და აცხადებს, რომ პარტნიორ ქვეყნების პრობლემები საქართველოს ეკონომიკაზე აისახება.
”ჩვენ ვამცირებთ ეკონომიკური ზრდის პროგნოზს ვინაიდან ეს გამოწვეულია გარე შოკებით. თქვენ იცით, რომ ჩვენს მთავარ ეკონომიკურ პარტნიორებს, ეს არ შეეხება მხოლოდ რუსეთს, ეკონომიკური პროცესები გაუარესებულია., მათ შორის ისეთ მნიშვნელოვან პარტნიორში, როგორიცაა აზერბაიჯანი. რომელსაც ნავთობის გაიაფებამ სერიოზული პრობლემები შეუქმნა. თავისთავად ცხადია, რომ ეს ყველაფერი საქართველოს ეკონომიკაზე აისახება”,- აცხადებს ნოდარ ხადური.
