ბელორუსიის პრეზიდენტი ალექსანდრე ლუკაშენკოს განცხადებით, ბელორუსიაში ვინმემ, რომ ყირგიზეთის სცენარის გამეორება გაბედოს ხელისუფლება უყოყმანოდ ძალას გამოიყენებს.
ამის შესახებ ლუკაშენკომ რუსეთის პრეზიდენტის დიმიტრი მედვედევის ყირგიზეთის სცენარის პოსტსაბჭოთა ქვეყნებში ყირგიზეთის სცენარის შესაძლო განვითარებასთან დაკავშირებით გაკეთებულ განცხადების კომენტირებისას განაცხადა.
ამასთან, ბელორუსიის პრეზიდენტმა, ყირგიზეთში მომხდარი მოვლენები "ანტიკონსტიტუციურ სახელმწიფო გადატრიალებად" შეაფასა და აღნიშნა, რომ "ღმერთმა არ ქნას და ჩემს ქვეყანაში ასეთი რამ მომხდარიყო და ვიღაცას სროლა აეტეხა და ხალხი ტყვიების ქვეშ წაეყვანა - ცოტა არ მოგეჩვენებოდათ".
შეგახსენებთ, რომ ყირგიზეთში 6-7 აპრილს მომხდარი არეულობის შედეგად 84 ადამიანი დაიღუპა, 1600-ზე მეტი კი დაშავდა. ამ დროისთვის ყირგიზეთს ეროვნული თანხმობის დროებითი მთავრობა მართავს, რომელსაც საგარეო საქმეთა ექს-მინისტრი როზა ოტუმბაევა ხელმძღვანელობს. ყირგიზეთის პრეზიდენტმა ყურმანბეკ ბაკიევმა კი გუშინ ქვეყანა დატოვა და ყაზახეთში გაემგზავრა, სადაც თანამდებობიდან გადადგომის შესახებ განცხადება გააკეთა.
