ქართულ ბაზარზე არაბეთის გაერთიანებული საემიროების ნაციონალური ავიახაზები Etihad Airways -ი შემოდის, რომელიც თბილისის საერთაშორისო აეროპორტიდან აბუ-დაბის მიმართულებით პირდაპირი რეისების განხორციელებას დაიწყებს.
Etihad Airways -ს ოფიციალური განაცხადი ფრენების დაწყებაზე შესაბამის სტრუქტურაში ჯერჯერობით არ შეუტანია, თუმცა როგორც საქართველოს სამოქალაქო ავიაციის სააგენტოში აცხადებენ, ავიაკომპანიამ სააგენტოსგან უკვე მოითხოვა ინფორმაცია თუ რა ღონისძიებებს უნდა მიმართოს ავიაკომპანიამ, რათა საქართველოში ფრენის ნებართვა მიიღოს.
აღსანიშნავია, რომ დღეისათვის აბუ-დაბის მიმართულებით პირდაპირი ფრენები არ არსებობს და არაბეთის გაერთიანებული სამეფოს დედაქალაქში ჩასვლა, მხოლოდ ტრანზიტული რეისებითაა შესაძლებელი.
”ტავ ჯორჯიას” ინფორმაციით კი Etihad Airways-ი საქართველოდან ფრენების განხორციელებას 2 ოქტომბრიდან დაიწყებს. Etihad Airways -ი ფრენებს ყოველ ოთხშაბათს, პარასკევსა და კვირას A320 ეარბასის ტიპის თვითმფრინავით განახორციელებს, რომელსაც 16 ბიზნეს კლასისა და 120 ეკონომ კლასის ადგილი აქვს.
Etihad Airways-ის კავკასიის რეგიონის სხვა ქვეყნებშიც ოპერირებს. 2014 წლის 3 ივლისიდან ის დაფრინავს ერევანში, 2015 წლის 1 ოქტომბრიდან ავიაკომპანია იფრენს ბაქოს მიმართულებითაც.
Etihad Airways -ის თბილისიდან მიმავალ მგზავრები აბუ-დაბის გავლით შეძლებენ იფრინონ სპარსეთის ყურის რეგიონის ქვეყნებში, ინდოეთში, აზიასა და ჩრდილოეთ ამერიკაში.
აღსანიშნავია, რომ საქართველოსა და არაბთა გაერთიანებული საემიროებს შორის სავაჭრო წლიური ბრუნვა 250 მლნ დოლარია.
Etihad Airways-მა ფრენები 2003 წელს დაიწყო და მან 2013 წლის მონაცემებით 11.5 მილიონი მგზავრი გადაიყვანა აბუ დაბის გავლით შუა აზიის, აფრიკის, ევროპის, აზიის, ავსტრალიისა და ამერიკის 110 მიმართულებით. ამჟამად ავიაკომპანის მფლობელობაში 104 ეარბასისა და ბონიგის ტიპის თვითმფრინავი ჰყავს. იგი ასევე ფლობს 200-ზე მეტ კერძო ტიპის თვითმფრინავს, როგორიც არის 787s ტიპის 71 და 777Х ტიპის 25 ბოინგი, A350s ტიპის 62 და A380s 10 ეარბასი. Etihad Airways ი ამჟამად ფლობს შემდეგი ავიაკომპანიების წილებს : Airberlin, Air Seychelles, Virgin Australia, Aer Lingus, Air Serbia და Jet Airways.
