პერსონალურ მონაცემთა დაცვის ინსპექტორის აპარატს მთავრობამ დამატებითი თანხა გამოუყო. როგორც № 189 განკარგულებაშია აღნიშნული, მთავრობის სარეზერვო ფონდიდან პერსონალურ მონაცემთა დაცვის ინსპექტორის აპარატი 755 ათას ლარს მიიღებს. განკარგულებაში დეტალურად არ არის გაწერილი თუ რა მოხმარდება აღნიშნული თანხა, თუმცა განმარტებულია, რომ 755 ათასი ლარი ინსპექტორის აპარატზე დაკისრებული ფუნქცია-მოვალეობების შეუფერხებლად განხორციელების მიზნით უნდა დაიხარჯოს.
”საქართველოს კანონმდებლობაში განხორციელებული ცვლილებებიდან გამომდინარე, პერსონალურ მონაცემთა დაცვის ინსპექტორის აპარატზე დაკისრებული ფუნქცია-მოვალეობების შეუფერხებლად განხორციელების მიზნით , საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით განსაზღვრული საქართველოს მთავრობის სარეზერვო ფონდიდან, პერსონალურ მონაცემთა დაცვის ინსპექტორის აპარატს გამოუყოს 755 000 ლარი”, - აღნიშნულია განკარგულებაში.
