დღეს, 16 აპრილს, 12:00საათზე საქართველოს პედაგოგთა და მეცნიერთა თავისუფალი პროფკავშირის პრეზიდენტი მანანა ღურჭუმალიძე პრესკონფერენციას გამართავს. პრესკონფერენცია ეძღვნება საერთაშორისო საგანმანათლებლო აქცია-კვირეულის დაწყებას,რომლის მთავარი დევიზია „განათლება ყველას". კვირეული ყოველწლიურად ტარდება მსოფლიო მასშტაბით და მას საქართველოში ორგანიზებას უწევს პედაგოგთა თავისუფალი პროფკავშირი. აღნიშნულ გლობალურ კვირეულს მსოფლიო მასშტაბით ორგანიზებას უკეთებს UNESCO, კოალიცია "გლობალური კამპანია განათლებისათვის", ფარგლებში. ეს კოალიცია წარმოადგენს საქველმოქმედო ორგანიზაციების, პროფესიული კავშირებისა და სამოქალაქო ჯგუფების გაერთიანებას.
აქციის მიზანია, კიდევ ერთხელ მიაპყროს საზოგადოების ყურადღება განათლების როლსა და მნიშვნელობას სახელმწიფოებრივი განვითარების პროცესში, რათა ყველა ბავშვს ჰქონდეს ხარისხიანი განათლების მიღების შესაძლებლობა და უკეთესი მომავლის გარანტია.
მიმდინარე წელს, კამპანიის ფარგლებში იგეგმება არაერთი საინტერესო ღონისძიება. მათ შორის მნიშვნელოვანია უდიდესი მსოფლიო გაკვეთილი, კერძოდ, პოლიტიკოსების, ცნობილი ადამიანების, სპორტსმენების ერთ დღით დაბრუნება მშობლიურ სკოლაში, 20 აპრილს, სადაც მათ ექნებათ საშუალება, კიდევ ერთხელ მოუსმინონ თავიანთ მასწავლებლებს იმ პრობლემებზე, რაც ხელს უშლის ხარისხიანი განათლების მიღებას.
აქციაში მონაწილეობის სურვილი უკვე გამოთქვა რამდენიმე ცნობილმა ადამიანმა, რომლებიც მზად არიან 20 აპრილს ესტუმრონ მშობლიურ სკოლებს და მოუსმინონ მასწავლებლებს. ესენი არიან: გიგი წერეთელი, რატი სამყურაშვილი,მაგდა ანიკაშვილი, ლევან ვეფხვაძე,გიორგი თარგამაძე,მანანა ნაჭყებია,მანანა ღურჭუმალიძე, გელა ლონდარიძე (ასპინძის მაჟორიტარი), თეიმურაზ ჩარკვიანი (ბათუმის მაჟორიტარი).
